Era Val d’Aran tornarà a emplir-se de musica e patrimòni agost damb era 26au edicion deth cicle de visites-concèrt Romànic Musicau, ua proposa culturau que junh era divulgacion istorica des glèises romaniques deth vath damb era magìa dera musica en dirècte.

Organizada peth Ajuntament de Naut Aran damb era collaboracion der Arxiprestat dera Val d’Aran, aguesta iniciatiua gratuïta convide a residents e visitants a descorbir eth ric legat arquitectonic e artistic dera zòna a trauès d’un format unic: ua explicacion guidada per ua istoriadora o un istoriador sus eth temple escuelhut, seguida d’un concèrt de musica classica. Era proposa se combine damb eth programa de visites guidada ara patrimòni deth Musèu dera Val d’Aran.

Eth Quartet de Viòles des Tèrres de Ponent presentarà eth concèrt En Clau de Do, un recorregut musicau pensat entà toti es publics que viatge des des dançes renaishentistes enquias classics de The Beatles. Un espectacle fresc e participatiu, plen d’anècdotes sus es òbres interpretades.